Friday, June 2, 2017

பிராமண யோக்கியர்கள்!

பரமசிவம் சார் பதிவில் பின்னூட்டமிட முடியவில்லை. கோபால கிருஷ்ண கோகலே நல்ல பிராமணர்னு காந்தி சொன்னதாக முடித்துள்ளார். பிராமணர்களில் யோக்கியர்களே இல்லையா?

சோ ராமசாமி, ஜெயலலிதா, ராஜாஜி, கமல்ஹாசன்,  டோண்டு ராகவன், சங்கராச்சார்யா, பாரதியார்  இவர்கள் அனைவருமே பிராமணர்கள்தான்.

இதில் யாரையுமே சுத்தமான யோக்கியன்னு சொல்லமுடியாதுதான்

சரி, பிராமணர்களை விட்டுவிட்டு திராவிடர்களில் சுத்தமான யோக்கியர்கள் இருக்காங்களா? னு கேட்டால் யாரையாவது காட்ட முடியுமா? கவனிக்கவும், அதுவும் கஷ்டம்தான்.

பிராமணர்கள் யோக்கியர்களாக இருக்கணும் என்கிற எதிர்பார்ப்பு தேவையற்றது.

பிராமணர்களுடன் சேர்ந்து நாம் வாழ்ந்துதான் ஆக வேண்டும். ஆனா என்ன இவர்களோடு வாழ்ந்து கொண்டே இவர்களை நம்பாமல், எந்நேரமும்  சந்தர்ப்பவாதியாக எப்படியும் சுயநலமாக மாறலாம் என்பதை மனதில் வைத்து இவர்களை நம்பாமலே இவர்களோடு "நண்பர்களாக" நடித்துக் கொண்டே வாழலாம். Keep your friends close but your enemies closerனு சொல்வதுபோல். நம்மில் பலர் அப்படித்தான் நடித்துக்கொண்டே இவர்களை நம்பாமல் இவர்களுடன் வாழ்கிறார்கள்.

அல்லது

இவர்களிடம் நேரிடையாகவே சொல்லிவிடலாம்.  வீணாக நடிக்காமல், நட்பு பாராட்டாமல், ஒதுக்கி வைத்து, "நமக்கும் உங்களுக்கும் ஆகாதுங்க. நீங்க ஏதாவது நாளைக்கு செய்யும்போது  நான் எதையாவது சொல்லிவிடுவேன். இதெதுக்கு நாம் பேசாமல் ஒதுங்கியே வாழுவோமே?  நீங்க, நீங்களாவே இருங்க! நான் நானாவே இருக்கேன். நடிக்காமல், ஒருவரை ஒருவர் நம்பாமல், பிடிக்காமலே சேர்ந்து வாழுவோமே?" என்று  தெளிவு படுத்திவிட்டு எதையும் மூடி மறைக்காமல், "அவர்களைப் பிடிக்காது" என்று அவர்களுக்குத் தெளிவாக சொல்லிவிட்டு எதிரிகளாகவே தொடர்ந்து  வாழலாம். பெரியார் வாழ்ந்ததுபோல்.


அல்லது மூனாவது வகை,

இவர்களை எந்த வகையிலும் பிரிக்காமல், நம்மைப் போலவே இவர்களையும் எண்ணி பிராமண முத்திரையைத் தவிர்த்து வாழலாம். அப்படி யாரும் வாழ்றாங்களா? னு எனக்குத் தெரியவில்லை! அப்படி வாழ்வதாகச் சொன்னாலும் நான் அதை நம்புவேனா? னு எனக்கே தெரியவில்லை. ஏனென்றால் அவர்கள் எப்டியாவது ஒரு வகையில் "தங்களை" நம்மிடம் இருந்து பிரித்துக் கொள்கிறார்கள், கொள்வார்கள் னு நான் நம்புகிறேன். இந்த "நம்பிக்கை" என்னுடைய குறைபாடாகவும் இருக்கலாம் அல்லது  என் நம்பிக்கை உண்மையாகவும் இருக்கலாம்.

இன்னொரு உண்மை என்னவென்றால்

எந்த ஒரு நல்லவனும் அல்லது நண்பனும் ஒரு சில நேரம் நடந்து கொள்ளும் விதம் நமக்குத் தவறாகத்தான் தோனும். அந்த "நல்ல நண்பன்" பிராமணன் என்றாகிவிட்டால்  நம்மிடம் ஊறிப்போயி உள்ள "ப்ரிஜடிஸ்" "இவன் பிராமணன் என்பதால்தான் இப்படி நடந்து கொண்டான்" என்கிற ஒரு முத்திரையை நாம் குத்துவோம். நான் பார்த்தவரைக்கும் இதுபோல் எல்லா சாதியிலும் உள்ள நண்பர்கள் ஒரு நேரம் இல்லைனா இன்னொரு நேரம் நாம் எதிர்பார்ப்பது போலல்லாமல் "சுயநலமாக" நடந்து கொள்வது இயல்பு. அவர்கள் பிராமணரல்லாததால் நாம் அவர்களை "பிராமண முத்திரை" பதிக்க முடியாமல்ப் போய்விடுகிறது.

எப்படியோ நம்மிடம்  பிராமணர்கள் பற்றிய ஒரு ப்ரிஜடிஸ் வளர்ந்து, நம்முள்  அது கலந்தவிட்டது. அதை நாமே முழுமையாக அகற்றுவது கஷ்டம்தான். ஆனால் அதை அகற்ற பிராமணர்களால்தான் முடியும். திராவிடர்களைவிட "உயர்ந்த மனிதனாக" நம்மிடம் அவர்கள்  பல தருணங்களில் நடந்து கொண்டால்..

அப்படி எதுவும் அவர்கள் செய்வார்களா?

இல்லை "மனிதர்களைவிட பகவாந்தான் எனக்கு முக்கியம்" என்று இதுபோல் ஒரு "பிரமணத் துவேச ப்ரிஜடிஸை" அகற்ற முயலாமல், அதை சட்டை செய்யாமல்  இதேபோலே தொடர்வார்களா? என்பதை காலம்தான் சொல்லும்.

Tuesday, May 30, 2017

மாடு, மனிதன், மனிதம், மண்ணாங்கட்டி!

அதாவது அமெரிக்காவில் நாங்க என்ன சொல்லுவோம்னா "I n G o d W e t r u s t!". இங்கே "We" யாருனா நாங்க தான் அமெரிக்கர்கள். நாங்க ஏன் கடவுளை நம்புகிறோம்னா.. கடவுள் எல்லாரையும் விட எங்களை மட்டும் கொஞ்சம் உயர்வாக வைத்துக் கொள்ள எல்லா வகையிலும் உதவணும். ஏன் கடவுள் எங்கள் எதிரியையும் எங்களைப் போலவே நினைத்தால் அல்லது மதித்தால்? எல்லோரையும் சமமாக நினைக்கும் அப்படிப்பட்ட கடவுள் எங்களுக்குப் பிடிக்குமா என்னணு தெரியவில்லை.

மனிதன் நியாயங்கள் எல்லாம் அவன் வசதிக்கு அவனே உருவாக்கிக் கொண்டது. கடவுளைக் கூட மனிதன் அவன் தேவைக்கு, அவன் மனநிலையை சரி பண்ண உருவாக்கிக் கொண்டான்.

மோனிங் டவ் என்பது ஒரு வகையான புறா. இவ்வகைப் புறாக்கள் மில்லியன் கணக்கில் பெருகிக்கொண்டே போகிறது என்பதால் அதைச் சுட்டுக் கொல்லலாம், வேட்டை ஆடலாம் என்பது அவன் வகுத்த சட்டம். அதே சமயத்தில் பலவிதமான கொடூர விலங்குகள் சிங்கம், புலி, சிறுத்தை போன்றவைகள் அழிந்து கொண்டு வருகின்றன என்பதால் அவைகளை கொல்லுவது சட்ட விரோதம்!!! இப்படித்தான் மனிதன் சட்டதிட்டங்கள் வகுத்து வாழ்கிறான். இதேபோல்தான் மனிதன் நியாய தர்மங்கள் தொடர்கின்றன.

நீங்க கவனித்துப் பார்த்தால் மனித இனத்தைவிட  மட்டமான ஜென்மங்கள் எதுவுமே இல்லை . ஆனால் இவன் தன்னைப் பற்றி யோசிக்காமல் உலகில் உள்ள மற்ற ஜீவராசிகளை, ஒட்டுண்ணி, சாருண்ணினு முத்திரை குத்தி ஏமாத்திக் கொண்டு திரிகிறான். இவனுக்குத் தேவைனா நாயையும் பூனையையும் கொஞ்சுவான். அவைகள் காமுற முடியாவண்ணம் அவைகளுடைய செக்ஸ் உணர்வுகளை அழித்துவிடுவான். கேட்டால் அப்படி செய்வதால் அவைகள் அதிக நாள் உயிர் வாழ்கின்றன என்பான். எல்லாம் அவன் வசதிக்கு! வடிகட்டிய சுயநலம்! இப்படித்தான் மனிதன் வாழ்கிறான்..இந்த வாழ்க்கையில் இவன் மனிதம் மண்ணாங்கட்டினு இந்தக் கழிவுகளில் இவன் நல்ல கழிவு, இவன் கெட்ட கழிவுனு  வகைப் படுத்துகிறான்.

இவ்வுலகில் மிகப் பெரிய பிரச்சினையே..மனித இனம் உலகில் தோன்றி வளர்ந்துகொண்டே போகிறது என்பதுதான். எங்கே பார்த்தாலும் மனிதன், மனிதன் மனிதன். கோடி கோடியாக வளர்ந்துகொண்டே போகிறான். உலகம் நாசமாவதுக்கு மனித இனப் பெருக்கம் கட்டுமீறிப் போவதுதான் காரணம். "க்லோபல் வாமிங்"க்கு முக்கியக் காரணம் மனித வளர்ச்சி, மற்றும் அவன் விஞ்ஞான வளர்ச்சிதான். தண்ணீர்  பஞ்சத் திற்கு காரணமும் மனிதப் பெருக்கம்தான்.

மாட்டை சாப்பிடக்கூடாது ஆனால் கொன்னு வெளிநாட்டுக்கு ஏற்றுமதி செய்யலாம்?!. இல்லை, பசு மாட்டைத்தான் கொல்லக் கூடாது! எருமை கருப்பா இருக்கு அதை வெட்டினால் தப்பில்லை . ஆடு, கோழி எல்லாம் கொன்னால் தப்பில்லை. பசு மாடுமட்டும்தான் பாவம்! என்ன இதெல்லாம்? பார்ப்பனர்கள் மேல் கடுப்பாவது இங்கேதான். ஒரு பார்ப்பான் சொல்றான், நாம் கொன்னு ஏற்றுமதி செய்வது எருமைமாட்டைத்தான். பசுவை அல்ல! அதாவது அவரு நியாயப் படுத்துகிறார். எருமைனா என்ன? பசுனா என்ன முண்டம்?! இவ்வளவுக்கும் இவன் ஒரு பயாலாஜிஸ்ட். டெய்லி எலியையும் முயலையும் கொன்னு ரிசேர்ச் பண்ணுபவன்!  உண்மை என்னனா இப்படி கொன்னு அனுப்பலைனா இந்திய வருமானம் தடைப்படும். பணத் தேவைக்காக ஒரு சில எருமையைக் கொன்னு அனுப்பலாம். கேவலமான நியாயப் படுத்தல்!

இவன் மட்டுமல்ல பொதுவாக மனிதர்களே இப்படித்தான். எதையும் "நியாயப் படுத்துகிறார்கள்"! இது சரி, இது தப்பு! என்று இவர்களே ஒரு சட்டம் ஒரு வெளக்கெண்ணை வியாக்யாணம் பேசி தன்னைத் தானே ஏமாற்றிக் கொள்கிறார்கள்.

பறவைகள் புழுக்களை கொத்தி சாப்பிடுகின்றன. அதைப் பறவைகள் நியாயப் படுத்துவதில்லை!

பருந்துகள் சிறு பறவைகளை கொன்னு சாப்பிடுகின்றன. அதையும் அவைகள் நியாயப் படுத்த  முயல்வதில்லை.

ஆனால் ஆறறிவு பெற்ற மனிதன் ஏதாவது ஒரு வகையில் தான் வாழச் செய்யும் பலவிதமான அயோக்கியத் தனங்களை தொடர்ந்து நியாயப் படுத்துகிறான். தன்னையும் உலகையும்  ஏமாற்றி வாழ்கிறான். இதுதான் உண்மை.

கவனித்துப் பார்த்தால், மனிதன் பேசும் மனிதம், மனிதாபிமானம், இறை பக்தி எல்லாமே அவன் செய்யும் அயோக்கியத் தனங்களை நியாயப் படுத்த அவனே உருவாக்கிக் கொண்டது.

இது ஏன் உங்களுக்குப் புரிய மாட்டேன் என்கிறது?

ஏன் இப்படி எல்லாம் நீங்க யோசிக்க முயல்வதில்லை?

உங்களை நிற்கவைத்து உங்கள் எதிரி நிலைமையிலிருந்து உங்கள் அசிங்கப் பகுதியை பார்க்க நீங்கள் முயல்வதில்லை. ஏன்? ஏன் என்றால் உங்களைப் பற்றிய உண்மை உங்களைக் கொன்றுவிடும். உங்களைப் பார்த்தால் உங்களுக்கே பரிதாபாமாக இருக்கும். அருவருப்பாக இருக்கும். அதனால் நீங்க அப்படியெல்லாம் யோசிக்க முயல்வதில்லை.

நீங்கள் உங்கள் அசிங்கத்தைக் கழுவ, கடவுள், பக்தி, மனிதம், மனிதாபிமானம் என்கிறீர்கள். எல்லாமே உங்களை நீங்கள் ஏமாற்றிக்கொள்ள உருவாக்கிய கான்சப்ட்தான். இந்த ஆறாவது அறிவு  உங்களை சித்ரவதை செய்யும் என்பதால் உங்களுக்கு இத்தேவை இருக்கிறது. ஆமாம் நீங்கள் உயிருடன், மனநலத்துடன் வாழும் வரை.

Thursday, May 25, 2017

அ ரு வ ரு ப் பு என்பதுதான் சரி!

தமிழில் அதிகப் பிழையுடன் எழுதும் மிகச்சிலரில் அடியேனும் ஒருவன் (சாரு ஞாபகம் வருது இங்கே!) என்பதை  எந்தவித வெட்கமோ, கூச்சமோ  இல்லாமல் சொல்லுகிறேன். உண்மையை எடுத்துரைக்க என்றுமே பயப்படக் கூடாது. அப்படிப்பட்ட எனக்கு அழகான தமிழில் எழுதும் தமிழ் மேதைகள் தமிழ்ப் பிழை செய்வதைப் பார்க்கும்போது  ரொம்பவே கஷ்டமாக இருக்கும். சமீபத்தில் வாசித்த பதிவுகளில், தமிழ் நன்றாகத் தெரிந்த இரண்டு பதிவர்கள் இவ்வார்த்தையை அருவெறுப்பு என்று எழுதியிருக்கிறார்கள். முன்பொருமுறை நண்பர் சத்யப்பிரியன் பதிவில் அது "அருவருப்பு"னுதான்னு சொல்றாங்கனு (தமிழ் நன்கறிந்த அவரிடம்) இதைச் சுட்டிக் காட்டினேன். ஆனால் இப்போதுதான் புரிகிறது இவ்வார்த்தையை பலரும் தவறாகவே எழுதுகிறார்கள் என்று.  இதில் வேடிக்கை என்னவென்றால் இப்படி எழுதும்போதுகூட "அருவெறுப்பு" தான் சரியோ என்கிற குழப்பம் எனக்கு வருகிறது. அப்படி  வருவதால், இன்று இதை ஒரு பதிவாகவே வெளியிட்டு  ஒரு முடிவுக்கு வந்துவிடுவது என்ற முடிவுடன் இப்பதிவை உங்கள் கவனத்திற்கு வைக்கிறேன் . நன்றி. வணக்கம்.